15-годишниот син на Рамзан Кадиров стана шеф на обезбедување на неговиот татко

Сподели со своите пријатели

Адам Кадиров, 15-годишниот син на чеченскиот лидер Рамзан Кадиров, кој оваа година беше снимен како тепа затвореник во притвор, е назначен на највисоката позиција меѓу телохранителите на неговиот татко.

Loading...

Еден од највисоките безбедносни функционери на Кадиров, Замид Чалаев, рече дека Адам е назначен за шеф на одделот за безбедност на чеченскиот лидер.

Сојузниците на чеченскиот лидер го пофалија Адам Кадиров, кој овој месец наполни 16 години, за неговата храброст и му честитаа на назначувањето.

Во септември, помладиот Кадиров наиде на осуда од светот, како и од некои тврдокорни про-Кремљ, откако неговиот татко објави видео на социјалните мрежи на кое се гледа како Адам удира со тупаници и клоца затвореник обвинет за палење на Куранот.

ПРОЧИТАЈТЕ И:  Затворен руски опозиционер: Свесен сум за опасноста. Мојот живот е во рацете на Путин

Рамзан Кадиров, сојузникот на Путин, тогаш изјави дека е горд на својот син и дека го почитува Адам затоа што се здобил со „возрасни идеали за чест, достоинство и одбрана на својата вера“.

РИА пред два дена објави дека Адам Кадиров во октомври ја добил титулата Херој на Чеченија.

Прес-службата на Рамзан Кадиров не одговори на барањето на Ројтерс за коментар.