Disa pjesë të Kumanovës sot dhe nesër do të mbeten përkohësisht pa furnizim me energji elektrike.
Sipas njoftimit të Elektrodistribucionit, sot nga ora 07:30 deri në 14:30 ndërprerje të energjisë do të ketë për konsumatorët në rrugën “11 Nëntori”, nga ura drejt lagjes Bedinje deri te “Kafe Moka”.
Ndërprerje në të njëjtën periudhë do të ketë edhe në një pjesë të rrugës “Trajko Jovanovski Kmet”, pranë Ndërmarrjes Pyjore.
Nesër, nga ora 07:30 deri në 14:30, pa energji elektrike do të mbeten konsumatorët në një pjesë të rrugës “Mosha Pijade”, nga kopshti i fëmijëve deri te rrethrrotullimi.