Sot në Maqedoninë e Veriut moti do të jetë kryesisht me diell dhe me vranësira të pakta deri mesatare, njoftojnë nga Drejtoria për Punë Hidrometeorologjike.
Do të fryjë erë mesatare, herë pas here e fuqishme, kryesisht nga veriu. Në luginën e Vardarit shpejtësia e erës mund të arrijë deri në 50 km/orë.
Temperaturat minimale do të lëvizin nga 11 deri në 18 gradë, ndërsa maksimalet nga 24 deri në 34 gradë.
Në Kumanovë dhe rrethinë sot do të mbajë mot me diell dhe pak vranësira.
Do të fryjë erë nga veriu dhe verilindja, e cila herë pas here do të kalojë 40 km/orë.
Temperatura e mëngjesit do të jetë rreth 13 gradë, ndërsa ajo maksimale do të arrijë në 28 gradë Celsius.
Të martën moti do të jetë me diell dhe i ngrohtë, me temperatura nga 14 deri në 31 gradë.
Të mërkurën pritet mot shumë i ngrohtë dhe me diell, me temperatura deri në 32 gradë.
Të enjten do të ketë më shumë vranësira dhe intervale me diell, por temperaturat do të mbeten të larta, deri në 32 gradë.
Të premten, të shtunën dhe të dielën moti do të jetë me diell dhe shumë i ngrohtë, me temperatura maksimale deri në 33 gradë dhe erë të lehtë deri mesatare nga veriu.
Kushte të ngjashme atmosferike pritet të vazhdojnë edhe gjatë javës së ardhshme.