Në organizim të Shoqatës së Serbëve Peace, Harmony, Stability, sot në Kumanovo u mbajt një tubim në mbështetje të presidentit të Serbisë, Aleksandar Vučić.
Tubimi filloi në sheshin e qytetit, prej nga pjesëmarrësit u drejtuan drejt Konsullatës së Serbisë pranë rrethrrotullimit në bulevardin “MUB e Tretë”.
Nën moton “Serbia fiton”, pjesëmarrësit deklaruan se synonin të shprehnin mbështetjen e tyre për politikat e presidentit serb dhe për zhvillimin që Serbia ka arritur gjatë viteve të fundit.
Milena Veličković tha se shumica e pjesëmarrësve ishin pjesëtarë të komunitetit serb në Maqedoni, por se në tubim morën pjesë edhe maqedonas që mbështesin politikat e Vuçiqit.
Duke komentuar reagimet publike, ajo theksoi se tubimi nuk kishte për qëllim ndërhyrjen në çështjet e brendshme të Maqedonisë.
Njëri nga pjesëmarrësit, Mance Gjorgjević, deklaroi se mbështetja ishte e orientuar drejt paqes dhe stabilitetit në rajon.