Në Shtëpinë e Zejtarëve në Kumanovë mbrëmë u ndanë mirënjohje për punonjësit më të mirë të arsimit në qytet për vitin 2026.
Në organizim të Shoqatës së Punonjësve të Arsimit, ngjarja filloi me ndarjen e mirënjohjeve për nxënësit dhe mësimdhënësit që morën pjesë në konkursin kushtuar Shën Kirilit dhe Metodit me titull „Nga alfabeti te algoritmi – tregime që jetojnë“.
Më pas u shpallën arsimtarët më të mirë të vitit.
Në kategorinë A – mësim klasor, mirënjohja për arsimtaren më të mirë iu nda Irena Anastasovskës nga SHFK „Koço Racin“.
Dafina Josimovska nga SHFK „Vëllezërit Miladinovci“ u shpall më e mira në kategorinë B – mësim lëndor.
Nga shkollat e mesme, mirënjohja këtë vit iu nda Elena Markovskës nga Gjimnazi „Goce Dellçev“.
Mirënjohje pas vdekjes morën edhe mësimdhënësit Sllagjan Stankoviq-Bitrak dhe Lidija Nikollovska Georgievska për vlerat e tyre të përhershme në veprimtarinë arsimore.
Ngjarja u pasurua edhe me program kulturor dhe artistik të përgatitur nga nxënësit dhe mësimdhënësit.