Dy persona kanë përfunduar në spital pasi kanë thithur tym gjatë shuarjes së një zjarri që përfshiu shtëpinë e fqinjit të tyre në fshatin Mateç të komunës së Likovës.
Sipas Ministrisë së Punëve të Brendshme, rasti është raportuar më 29 maj 2026 në ora 13:28 në Policinë e Kumanovës. Zjarri ka shpërthyer në një shtëpi në pronësi të M.S. dhe është shuar nga fqinjët. Gjatë intervenimit, A.S. (49) dhe N.S. (20) kanë thithur tym dhe janë dërguar në Spitalin e Përgjithshëm të Kumanovës.
Nga Qendra Rajonale për Menaxhim me Kriza njoftojnë se nga zjarri është djegur një shtëpi, ndërsa në shuarjen e tij kanë marrë pjesë pesë zjarrfikës nga ora 13:25 deri në 14:25.
Po të njëjtën ditë është djegur edhe një objekt ndihmës në stadiumin e fshatit Opajë.
Në atë intervenim kanë marrë pjesë tre zjarrfikës nga ora 13:55 deri në 14:25.