Një 26-vjeçar nga Kumanova u arrestua dje në fshatin Vojnik, pasi policia konstatoi se po drejtonte automjetin megjithëse kishte një ndalim aktiv për drejtim.
Sipas Ministrisë së Punëve të Brendshme, “Më 27.07.2026, në ora 17:20, në fshatin Vojnik, Komuna e Staro Nagoriçanit, zyrtarët policorë të Njësisë Policore Staro Nagoriçane e privuan nga liria N.B. (26) nga Kumanova,” thuhet në njoftimin e MPB-së.
Policia shton se gjatë një kontrolli në trafik ndaloi një Volkswagen Passat, ku u konstatua “se ai e drejtonte automjetin pavarësisht se kishte një ndalim aktiv për drejtim.”
“Pas dokumentimit të plotë të rastit, ndaj tij do të ngrihet kallëzim sipas nenit 297-a të Kodit Penal për veprën penale ‘drejtim i pakujdesshëm i automjetit motorik’,” thuhet në njoftim.