Shoqëria kulturo-artistike “Pançe Peshev” do të organizojë edicionin e shtatë të Festivalit Ndërkombëtar të Folklorit nga 16 deri më 19 korrik, me pjesëmarrjen e ansambleve nga gjashtë shtete.
Në festival do të marrin pjesë ansamble folklorike nga Paraguai, Porto Riko, Turqia, Kazakistani, Serbia dhe Maqedonia e Veriut, të cilat do të prezantojnë vallet tradicionale, këngët dhe kostumet popullore të vendeve të tyre.
Hapja solemne e festivalit do të mbahet më 16 korrik në Kumanovë.
Aktivitetet do të vazhdojnë më 17 korrik në Shkup, ndërsa programi i 18 korrikut do të zhvillohet në Kratovë.
Mbrëmja përmbyllëse e festivalit do të mbahet më 19 korrik, sërish në Kumanovë.
Organizator i ngjarjes është SHKA “Pançe Peshev”, nën patronazhin e Kryetarit dhe Këshillit të Komunës së Kumanovës.