Një fëmijë dyvjeçar nga Kumanova përfundoi në klinikat e Shkupit pasi u helmua me një mjet për hollimin e bojës.
Sipas Ministrisë së Punëve të Brendshme, “Më 30.07.2026, në ora 14:00, Spitali i Përgjithshëm i Kumanovës njoftoi SPB Kumanovë se ishte pranuar një fëmijë dyvjeçar nga Kumanova, i cili ishte helmuar me mjet për hollimin e bojës.”
Pas ndihmës mjekësore fillestare, fëmija u transferua në Kompleksin Klinik “Nënë Tereza” në Shkup për trajtim të mëtejshëm, njoftoi policia.
“Po ndërmerren masa për zbardhjen e plotë të rastit,” thuhet në njoftim.