Po vazhdon vendosja e shtresës së parë të asfaltit në rrugët e zonës së re industriale Novini dhe Reçica në Kumanovo, njoftoi kryetari i komunës Maksim Dimitrievski.
Sipas tij, krahas ndërtimit të infrastrukturës po rritet edhe interesi i investitorëve vendorë dhe të huaj për të investuar në këtë zonë industriale.
“Ekziston interes për investime në zonën industriale Novini dhe Reçica dhe mbi 70 për qind e fazës së dytë tashmë është përfunduar. Tani presim lëshimin e mjeteve nga kredia hungareze që do të përfshihen në ribalancimin e buxhetit shtetëror”, deklaroi Dimitrievski.
Ai theksoi se në zonë tashmë po realizohen disa investime konkrete, ndër të cilat edhe projekti i kompanisë Lidl.
Sipas tij, komuna nuk do të nxitojë me shitjen e parcelave të mbetura derisa të përfundojë plotësisht rregullimi i zonës, me qëllim rritjen e vlerës së tokës dhe sigurimin e të ardhurave më të mëdha për komunën.
Me asfaltimin aktual po përmbyllet një tjetër fazë e rëndësishme e zhvillimit të zonës industriale Novini dhe Reçica, e cila pritet të bëhet një nga qendrat kryesore për investime të reja dhe hapje të vendeve të punës në Kumanovë.