Po vazhdojnë punimet ndërtimore për rregullimin e hapësirës përreth Sallës Sportive të rikonstruktuar në Kumanovë.
Siç njoftoi kryetari i komunës Maksim Dimitrievski, aktualisht po punohet intensivisht në ndërtimin e mureve mbajtëse dhe shtrimin e sipërfaqeve përreth objektit.
Kjo fazë përfaqëson një nga segmentet e fundit të rikonstruksionit të përgjithshëm të kompleksit sportiv, i cili gjatë periudhës së kaluar ka ndryshuar plotësisht pamjen dhe funksionalitetin e sallës.
Paralelisht, po përfundojnë edhe punimet për ndërtimin e sistemit të ngrohjes dhe ventilimit, ndërsa më herët objekti u lidh me rrjetin e shpërndarjes së gazit natyror.
Ekipet e ndërmarrjes publike Kumanovo-Gas ndërtuan infrastrukturën nëntokësore për lidhjen e sallës me gazin natyror, duke mundësuar funksionimin e sistemit të ri të ngrohjes.
Me përfundimin e rregullimit të hapësirës, sistemit të ngrohjes dhe ventilimit, si dhe lidhjes me gazin natyror, do të përmbyllet një tjetër fazë e rëndësishme e modernizimit të Sallës Sportive në Kumanovë, duke krijuar kushte më të mira për zhvillimin e ndeshjeve sportive dhe aktiviteteve të tjera.