Këshilli i Komunës së Kumanovës nesër, më 22 maj, do të mbajë mbledhjen e tij të njëmbëdhjetë, e cila do të fillojë në orën 08:00 në sallën rrethore të ish-ndërtesës së organizatave shoqërore-politike.
Sipas rendit të ditës të publikuar, këshilltarët do të shqyrtojnë gjithsej dhjetë pika, përfshirë vendimin për dhënien në shfrytëzim pa kompensim të një prone komunale për shoqatën e qytetarëve Doverba, si dhe miratimin e raportit për vlerësimin e dëmeve nga fatkeqësitë natyrore dhe aksidentet e tjera gjatë vitit 2025.
Në mbledhje do të shqyrtohet edhe Plani Energjetik Komunal për vitin 2027, si dhe propozim-vendimi për sigurimin e mjeteve financiare nga buxheti komunal për transferimin e një nëpunësi administrativ.
Një pjesë e rëndësishme e rendit të ditës i kushtohet emërimeve në ndërmarrjet publike.
Këshilltarët do të vendosin për emërimin e ushtruesve të detyrës në bordet drejtuese dhe mbikëqyrëse të JP Vodovod Kumanovo, JP Čistota i Zelenilo Kumanovo, JP Pazarishta Kumanovo, JP Kumanovo Parking, JP Kumanovo Gas dhe JP Kumanovo Plan.