MRK Kumanova zyrtarisht ka nisur përgatitjet për sezonin e ri të garave.
Stërvitja e parë u zhvillua në Sallën Sportive të Kumanovës nën drejtimin e trajnerit kryesor Saša Radosavljević.
Me fillimin e përgatitjeve, klubi hyn në një cikël të ri me synimin për të tejkaluar rezultatet e sezonit të kaluar.
Në prag të kampionatit të ri, drejtuesit e klubit e përforcuan skuadrën me gjashtë hendbollistë të rinj.
Anëtarët e rinj të MRK Kumanovës janë Filip Meçkarovski nga Struga, Marko Trajkovski nga Proleti, Matej Novakovski nga Buteli, Bojan Giçevski nga Pelister 2, Hamza Mamadoh Ibrahim nga Egjipti dhe Naum Kostov nga Struga.
Gjatë periudhës përgatitore, stafi teknik do të punojë në përgatitjen fizike dhe taktike të ekipit, ndërsa janë planifikuar edhe disa ndeshje miqësore për të rritur formën dhe për të harmonizuar skuadrën para fillimit të sezonit të ri.
Nga klubi theksojnë se mbizotëron një atmosferë pozitive dhe optimizëm, duke besuar se me përforcimet e reja dhe punën cilësore, MRK Kumanova do të jetë konkurruese dhe e gatshme për sfidat e sezonit të ardhshëm.