Dy persona kanë pësuar lëndime gjatë një incidenti me thikë në fshatin Romanoc të Kumanovës, pas të cilit gjatë natës janë arrestuar dy persona.
Sipas njoftimit të policisë, më 11.06.2026 në ora 01:27, zyrtarët policorë të SPB Kumanovë i privuan nga liria A.M. (45) dhe një 17-vjeçar, të dy nga fshati Romanoc, për shkak të dyshimeve se e kanë sulmuar fizikisht A.A. (25), me ç’rast është përdorur thikë.
Nga policia bëjnë të ditur se lëndime kanë pësuar si A.M., ashtu edhe A.A.
Pas dokumentimit të plotë të rastit do të parashtrohen kallëzimet përkatëse.