Një vajzë nëntëvjeçare nga Kumanova ka pësuar lëndime të rënda trupore pasi u godit nga një Volkswagen Golf në rrugën rajonale Kumanovë–Shkup.
Sipas Ministrisë së Punëve të Brendshme, “Më 31.07.2026, në ora 15:53, në SPB Kumanovë u raportua se në rrugën rajonale Kumanovë–Shkup, një automjet ‘Volkswagen Golf’ me targa të Kumanovës, i drejtuar nga B.A. (20), goditi një vajzë nëntëvjeçare. Të dy janë nga Kumanova.”
Policia njofton se vajza ka pësuar lëndime të rënda trupore, të konstatuara në Spitalin e Përgjithshëm të Kumanovës.
“Është njoftuar prokurori publik, ndërsa këqyrja e vendit të ngjarjes është kryer nga ekipi hetimor i SPB Kumanovë,” thuhet në njoftim.