Sot në mbarë Maqedoninë e Veriut do të mbajë mot me diell dhe i nxehtë, me pak vranësira lokale, njofton Drejtoria për Punë Hidrometeorologjike.
Do të fryjë erë e lehtë deri mesatare nga verilindja.
Temperaturat minimale do të lëvizin nga 12 deri në 20°C, ndërsa maksimalet do të arrijnë 32 deri në 39°C.
Në Kumanovë dhe rrethinë pritet mot me diell dhe shumë i nxehtë.
Do të fryjë erë e lehtë deri mesatare nga veriu.
Temperatura e mëngjesit do të jetë rreth 15°C, ndërsa ajo maksimale ditore do të arrijë 35°C.
Edhe të shtunën do të mbajë mot me diell dhe shumë i nxehtë, me erë të lehtë deri mesatare nga veriu dhe verilindja.
Temperaturat do të lëvizin nga rreth 14°C në mëngjes deri në 36°C gjatë ditës.
Edhe e diela sjell mot me diell dhe shumë të nxehtë, me erë të lehtë deri mesatare nga verilindja.
Temperatura minimale do të jetë rreth 14°C, ndërsa maksimalja do të arrijë 36°C.
Edhe të hënën, gjatë fundjavës së zgjatur, moti do të mbetet me diell dhe shumë i nxehtë.
Do të fryjë erë e lehtë deri mesatare nga perëndimi, ndërsa temperaturat do të lëvizin nga 14°C në mëngjes deri në 35°C gjatë ditës.
Java e ardhshme e punës pritet të sjellë temperatura edhe më të larta, ndërsa vala e të nxehtit, sipas parashikimeve, do të zgjasë deri më 8 gusht.