Një i mitur u gjet pas mesnate gjatë një kontrolli policor të zhvilluar gjatë fundjavës në një lokal në zonën “Garnizon” në Kumanovë.
Sipas Ministrisë së Punëve të Brendshme, “Bazuar në një plan të përgatitur më parë, fundjavën e kaluar zyrtarët policorë të SPB Kumanovë, në bashkëpunim me Inspektoratin Shtetëror të Tregut dhe Inspektoratin Shtetëror të Punës, kryen kontroll në një lokal në lokalitetin ‘Garnizon’ në Kumanovë,” thuhet në njoftimin e MPB-së.
Gjatë kontrollit u identifikuan 16 persona, ndërsa “një i mitur u gjet në objekt pas mesnate.”
“Për shkak të parregullsive të konstatuara, Inspektorati Shtetëror i Tregut mori vendim për ndalim të përkohshëm të ushtrimit të veprimtarisë,” thuhet në njoftim.