Moti sot në Maqedoni do të jetë me diell gjatë paradites dhe me vranësira të pakta deri mesatare.
Nga mesdita pritet zhvillim lokal i vranësirave jostabile me reshje shiu, bubullima, erë të përforcuar dhe mundësi për stuhi të izoluara me breshër.
Do të fryjë erë e dobët deri mesatare nga veriu.
Temperaturat minimale do të lëvizin nga 9 deri në 18 gradë, ndërsa ato maksimale nga 26 deri në 33 gradë Celsius.
Në Kumanovë dhe rrethinë sot do të mbajë mot kryesisht me diell dhe shumë i ngrohtë. Temperatura e mëngjesit do të jetë rreth 12 gradë, ndërsa ajo maksimale ditore do të arrijë deri në 30 gradë Celsius.
Të martën pritet mot me diell dhe shumë i ngrohtë me temperatura nga 15 deri në 31 gradë.
E mërkura sjell mot me vranësira të ndryshueshme dhe temperatura deri në 30 gradë.
Të enjten do të ketë mot kryesisht me vranësira dhe intervale të shkurtra me diell, me temperatura deri në 30 gradë.
Të premten pritet një rënie e ndjeshme e temperaturave. Temperatura e mëngjesit do të zbresë në 10 gradë, ndërsa ajo maksimale ditore do të arrijë vetëm 21 gradë Celsius.
Të shtunën pritet mot kryesisht me diell me temperatura nga 13 deri në 25 gradë.
Edhe të dielën do të mbajë mot kryesisht me diell, me temperatura nga 13 deri në 26 gradë Celsius.
Mot i ngjashëm pritet edhe gjatë javës së ardhshme të punës, por me temperatura që do të mbeten nën 30 gradë.