Dy persona të dyshuar për prerje dhe transport të paligjshëm të druve janë arrestuar dje pasdite në rajonin e Likovës, pasi policia gjeti dru zjarri pa dokumentacion përkatës.
“Më 03.06.2026 në ora 17:30 në fshatin Runicë, komuna e Likovës, zyrtarët policorë të Njësisë Mobile për Masa Kompensuese pranë Departamentit për Çështje Kufitare dhe Migracion e privuan nga liria F.Ć. (46) nga fshati Llopatë i Kumanovës dhe R.A. (51) nga fshati Sllupçan i Likovës”, njoftojnë nga MPB.
Sipas policisë, gjatë patrullimit janë ndaluar një automjet transportues „Citroën“ me targa të Tetovës, i drejtuar nga F.Ć., dhe një automjet transportues „Fiat Ducato“ pa targa regjistrimi, i drejtuar nga R.A.
Gjatë kontrollit është konstatuar se automjetet ishin të ngarkuara me dru zjarri të pashënuar dhe pa dokumentacion përkatës.
Masa drusore i është dorëzuar Njësisë për Krim Ekonomik pranë SPB Kumanovë, ndërsa pas dokumentimit të plotë të rastit ndaj të dyshuarve do të ngrihen kallëzime përkatëse.