Një 35-vjeçar nga Kumanova dyshohet se ka mbajtur kundër vullnetit të tij një të njohur, të cilin e ka sulmuar fizikisht, droguar dhe abuzuar seksualisht.
“Më 31.05.2026 në ora 21:15 në Kumanovë, zyrtarët policorë të SPB Kumanovë e privuan nga liria D.P. (35) nga Kumanova”, njofton policia.
Sipas policisë, ai dyshohet se nga ora 23:00 e datës 29.05.2026 deri në ora 07:00 të datës 31.05.2026 e ka mbajtur me forcë në shtëpinë e tij një 36-vjeçar nga Kumanova.
Sipas kallëzimit, gjatë kësaj periudhe ai disa herë e ka sulmuar fizikisht viktimën, e ka detyruar të kryejë akte seksuale orale dhe e ka detyruar të përdorë drogë.
“Gjatë arrestimit, policia gjeti dhe konfiskoi marihuanë, një telefon celular me mbetje të një substance të bardhë pluhur dhe sende të tjera që dyshohet se lidhen me veprën penale”, thuhet në njoftim.
Ai është ndaluar në stacion policor dhe pas dokumentimit të plotë të rastit ndaj tij do të parashtrohet kallëzim përkatës.