Сите статистички податоци покажуваат дека жените живеат подолго од мажите, но исто така е познато дека стареат побрзо од посилниот пол.
Ако мислите дека тоа не е вистина, запрашајте се колку пати само сте искоментирале парови, и сте рекле дека мажот станал помаркантен и позгоден со текот на годините, а дека неговата понежна половина се „запуштила“.
И сега научниците открија зошто е тоа така.
Првата причина е бременоста и менопаузата низ кои поминуваат жените, но други причини, кои ги покажале истражувањата, се прилично неочекувани.
Така, жените се многу под влијание на стресот отколку припадниците на посилниот пол.
На нив им е многу потешко да поднесат напнати ситуации, рокови и притисок, па затоа полесно се „кршат“ отколку мажите, објасни д-р Џудит Моринг.
Каква врска има стресот со стареењето?
Докажано е дека напнатоста и нервозата влијаат на бројни процеси во телото, вклучувајќи ја и состојбата на кожата.
Сето ова има врска со хормоните – естрогенот е одговорен за младо лице кај жените, и тестостерон кај мажите.
Жените први добиваат брчки бидејќи производството на естроген опаѓа побрзо од производството на машки хормони. Сепак, брчките кај жените не се толку длабоки и остри како кај мажите.
Постои уште една причина што е исто така прилично неочекувана и има врска со некои општи разлики меѓу половите.
Дерматолозите тврдат дека мажите стареат побавно затоа што имаат дури 25 проценти подебела кожа од жените, а познато е дека брчките за таквите луѓе се јавуваат потешко отколку за оние со тенка кожа.