Ракометарките на Куманово победнички го стартуваа своето учествово Регионална женска ракометна лига, откако вчера на домешн терен го совладаа составот на ОРК Рудар од Црна Гора со 29:20.
Краткото водство на Црногорките на почетокот на средбата не траеше долго, затоа што избраничките на тренерот Симе Симевски ја презедоа контролата над играта и издоминираа во играта.
На крајот на првиот дел од средбата Куманово водеше со резултат 15:9.
ЖРК Куманово прикажа доминантна игра и во текот на второто полувреме, кога по петнаесетина минути на теренот имаше и водство од десет голови, со што веќе се знаеше исходот од мечот.
Најефикасни со по седум гола кај Куманово беа Јована Кипријановска и Александра Боризовска.
Вториот натпревар кумановки го играа во недела со почеток во 17:30 часот, кога го пречекуваат составот на ЖРК Зајечар од Србија.