Женскиот ракометен тим од Куманово претставува вистински хит оваа натпреварувачка сезона. Костурот на тимот е составен од млади ракометарки од Куманово.
Од денес започнуваат со натпреварите од плеј оф делот каде што во првиот натпревар се среќаваат со екипата на Металург од Скопје. Во овој дел од натпреварувањето се приклучува и учесникот на европскиот фајнл фор , првиот тим на Вардар.
Loading...
Викторија Пеовска , капитенот на екипата на ЖРК Куманово за Кумановски Муабети вели оваа година очекува конечно нашиот тимот да заврши на една од првите четири позиции кои имаат излез на европска сцена.
Имавме две недели одмор да се консолидираме , и да дадеме максимум во следните натпревари кои што не очекуваат доколку сакаме да го реализираме она зашто стигнавме до пласман во плеј офот. Покажавме дека можеме , имаме квалитет да се соединиме и да се покажеме во вистинско издание во следните натпревари – изјави Пеовска.
Тимот на ЖРК Куманово ги поканува сите љубители на женскиот ракомет да дојдат во што помасовен број денес да го проследат натпреварот против тимот на Металург од Скопје во спортската сала на ОУ Христијан Карпош од 18:30.