Украинскиот претседател Володимир Зеленски изјави дека руските сили ги блокираат најголемите градови во Украина за да создадат „хуманитарна катастрофа“ со цел да ги убедат Украинците да соработуваат со нив.
Loading...
Тој рече дека Русите спречуваат основните прехранбени производи да стигнат до опколените градови во централна и југоисточна Украина.
„Тоа е целосно намерна тактика“, рече Зеленски во своето обраќање до нацијата во раните утрински часови во саботата, снимено во Киев, со претседателската канцеларија со запалени светла зад него.
Тој рече дека повеќе од 9.000 луѓе можеле да го напуштат Мариупол во изминатиот ден, а вкупно повеќе од 180.000 луѓе стигнале до безбедни дестинации преку хуманитарни коридори, пренесува АП.