За да се најдат најамбициозните вработени, на кандидатите им се поставува само едно прашање на конкурсот на Фејсбук, а одговорот на кандидатот е клучен за прием во тимот на компанијата.
Џули Цуо имала само 22 години кога работела на Фејсбук како практикант. Денес, десет години подоцна, таа е потпретседател на Секторот за дизајн на производи и го води тимот надлежен за дизајнирање на таа социјална мрежа.
Се грижи за 250 вработени, а тој број постојано расте. Таа е свесна дека ангажирањето квалитетни и способни луѓе е круцијално, па затоа се поставува прашање што, тврди, им открива се за кандидатот што бара работа.
„Замислете се себе за три години, и што ќе биде различно за вас тогаш во споредба со денешниот разговор?“, е прашањето што Џули го поставува на секој кандидат.
Од одговорот учи три работи – колку е амбициозен кандидатот, колку е ориентиран кон постигнување на своите цели и колку добро е свесен за себе и за неговите квалитети.
Главната особина што луѓето ја бараат е желбата да се развиваат и да напредуваат. Дури и ако кандидатот не ги исполни сите услови, она што е клучно е желбата да се учи.
Точно е одговорот на тоа прашање што помага да се утврди дали кандидатот го има тој квалитет, изјави таа за Бизнис Инсајдер.
Кандидатите генерално зборуваат за нивните претходни успеси при интервју за работа. Иако е важно она што го постигнале во нивните кариери, тој не гарантира понатамошен успех.
Затоа Џули бара визија за иднината, односно луѓе кои размислуваат како да продолжат понатаму, не само каде биле и што постигнале.