Технолошката компанија Фуџитсу го претстави планот за преполовување на работниот простор во Јапонија бидејќи се прилагодува на промените што се резултат на пандемијата на коронавирусот.
Програмата на Фуџитсу „Work Life Shift“ ќе понуди невидена флексибилност на 80.000 нејзини работници во Јапонија.
Вработените ќе можат да имаат флексибилно работно време, а работата од дома ќе биде стандард кога е можно.
Веста дојде откако Твитер донесе слична одлука во мај.
Фуџитсу најави дека ќе воведе нов начин на работа што ќе овозможи зајакнување, попродуктивно и креативно искуство за вработените и ќе ги мотивира да придонесат нови вредности за нивните клиенти и општество.
Според новиот план, вработените ќе започнат да работат пред се од дома за да создадат стил на работа што ќе им овозможи да го користат своето време пофлексибилно во однос на нивната работа, деловните улоги и начинот на живот.
Твитер претходно ги извести вработените дека можат, доколку сакаат, да „работат“ од дома „засекогаш“. Претходно, Гугл и Фејсбук им дозволија на своите вработени да работат од дома до крајот на годината.