Санкциите против Русија се покажаа како неефикасни. Се вратија како бумеранг и ги погодија Европа и Америка, изјави претседателот на руската Дума, Вјачеслав Володин.
Претседателот на Думата посочи и дека развојот на глобалната економија не може да се замисли без Русија.
Тој посочи дека странските економисти ги ревидираат проценките за БДП на Русија за оваа година.
Истовремено, тие заклучуваат дека падот ќе биде за две третини помал отколку што претходно предвидуваа.
– Во исто време, ситуацијата во однос на САД и земјите од ЕУ е сосема поинаква: аналитичарите даваат полоши прогнози и предвидуваат пад на БДП два квартали по ред – заклучи Володин.
Сите информации поврзани со најновите случувања со војната во Украина можете да ги прочитате ТУКА.