„Волмарт“ повлекува од рафтови оружје и муниција поради стравувања од немири

Сподели со своите пријатели

„Волмарт“, најголемиот трговски синџир во светот, соопшти дека отстранува огнено оружје и муниција од полиците во своите продавници во САД оваа недела со цел да ги заштити клиентите и вработените, додека тензиите растат низ целата земја.

Loading...

Пред претседателските избори во САД, многумина се загрижени дека резултатот може да биде оспорен или да предизвика насилство.

„Видовме изолирани случаи на граѓански немири и како што сторивме во неколку ситуации во последниве години, превентивно префрливме оружје и муниција од полиците во магацини, заради безбедноста на нашите работници и клиенти“, наведе во соопштение портпаролот на „Волмарт“.

Компанијата не одлучила кога ќе врати оружје и муниција на полиците.

Малопродажниот синџир со седиште во Бентонвил, Арканзас има повеќе од 5.000 продавници во САД, а приближно половина од нив продаваат оружје, кое ќе продолжи да им биде достапно на клиентите кои ќе побараат да го купат.

Златко Шумковски

Leave a Reply