Сиромашните земји би можеле да бидат особено погодени, соопшти германската хуманитарна организација Welthungerhilfe.
Водачот на Welthungerhilfe, Матијас Моге, предупреди дека руската војна против Украина ќе доведе до глад во различни делови на светот.
„Земјите како Египет, Кенија, Јужен Судан, Либан и многу други земји се во голема мера зависни од рускиот и украинскиот извоз, директно или индиректно“, изјави тој за медиумската група RND во текот на викендот.
„Тие земји повеќе не ги добиваат количините што ги нарачаа и треба да платат многу повеќе за нив“, додаде тој.
Русија жестоко им се заканува на Финска и Шведска поради НАТО
Цените на храната веќе се искачија на највисоките нивоа во историјата пред војната, првенствено поради факторите како климатските промени, конфликтот и пандемијата, рече Мог.
Најпогодено е посиромашното население, кое треба да троши голем дел од расположливиот приход за храна, рече тој, додавајќи дека повисоките цени се многу проблематични и за хуманитарните групи.
„Кога Светската програма за храна на ОН (WFP) мораше да ги намали оброците во бегалските кампови за сириските бегалци во 2015 година, тоа беше еден од предизвикувачите за големи бегалски движења во Европа. Не треба да го заборавиме тоа“, предупреди Мог.