Кошаркарите на КК Бест од Гевгелија во сабота ќе гостуваат кај Кошаркарскиот клуб Куманово, кога во куманвоската спортска сала ќе се одигра мечот од 21-то коло од домашната кошаркарска лига.
Шансите за победа на кумановци се огромни со оглед на искуствата од претходно одиграните натпревари, а победата ќе значи многу за изабраниците на Марјан Србиновски откако ги загубија последните два меча, односно на гостувањата кај Кожув и МЗТ Скопје Аеродром.
На веб страната на Македонската кошаркарска федерација освен датумот засега нема закажано временски период кога ќе се одигра натпреварот.
Инаку моментално на табелата КК Куманово е на третото место со 33 поени, веднаш за 35-те на Карпош Соколи и 29-те на МЗТ Скопје.