Низа локации во понеделник ќе останат без електрична енергија во одредени периоди од денот, информираат денеска од Регионалниот центар за управување со кризи.
Во период од 08:00 до 09:00 прекини во снабдувањето ќе имаат корисниците на булеварот „Трета Македонска Ударна Бригада“, поточно гостилница „Дома“, сендвичара „Џипси“,„Суперсрк“, локалот „Тифани“, Железара „Тамара – Дерм“.
Прекини од 09:00 до 14:00 часот ќе имаат корисниците на улицата „Доне Божинов“ (кај место Средорек спротивно од Висто сервис, Димишковски, Аутоцентар Ацо,сервис ЦЗ и дуќаните пред ТС Средорек).
Во период од 08:30 до 14:00 часот без струја ќе бидат дел од корисниците на улиците: „Боро Соколов“, „Видое Смилевски Бато“, „ББ Гуцман“ и „Васко Карангеловски“.
Прекини во снабдување со електрична енергија се најавени и за во вторник, но претежно за селата околу Куманово. Така во период од 08:45 до 15:00 часот без струја ќе бидат корисниците на дел од селата: Клечовце ,Новосељане, Скачковце, Колитско, Косматац, Мургаш, Кутлибег, Пезово, Кокошиње, Кучкарево, Габреш и Зубовце.
Како што појаснуваат од РУЦК, станува збор за најавени прекини поради инвестициски зафати во дистрибутивната мрежа.
Никола Ивановски