Во Изложбениот салон на Н.У Центар за култура “Трајко Прокопиев“ Куманово, во петок /18 септември/ со почеток во 20 часот ќе биде отворена биеналната изложба на скулптури “Скулптури на новото време 2015“.
Изложбата претставува пресек на работата на академските скулптори од повеќе генерации од Македонија и како таква се обидува да ја актуализира моменталната скулпторска продукција.
Оваа година учество земаа авторите: Горан Ѓорев, Никола Смилков, Ангел Коруновски, Сашо Саздовски, Томе Бундевски, Бранко Величковски, Андреј Митевски, Марјан Стојаноски, Емил Солески, Стојче и Емилија Тоциновски, Виктор Лазароски, Стојмир Петров, Атанас Атанасоски, Перо Кованцалиев, Анета Божинова, Ибрахим Беди, Влатко Зафирковски, Сергеј Дамовски, Александар Јанев, Јордан Јанев – Дане и Гордана Хаџи-Николова Малашев.