Во Куманово 98 претставки до канцеларијата на заменикот народен правобранител

Сподели со своите пријатели

Кумановци во првата половина од годинава поднеле 98 претставки до Канцеларијата на заменикот народен правобранител, што е незначително намалување во однос на истиот период споредено со минатата година.

Дел од претставките се поднесени и до посебните одделенија до Народниот правобранител во Скопје, како што се детски права и антидискриминација.

Во јуни граѓаните поднеле 22 претставки, од кои 12 се однесувале на правосудството, информираше заменикот народен правобранител Насер Весељи.

– Тоа не значи дека судовите не работат, бидејќи од 12-те предмети од оваа област седум се однесуваат на извршителите. Се уште има проблем со извршувањето на долговите на граѓаните кои користат социјална помош. Мора да се каже дека успеваме во однос на решавање на овие права, но граѓаните губат време и плаќаат одредени надоместоци за деблокирање на сметките, рече Весељи.

Три претставки биле за затворот, две за работата на полицијата и за затворот,  по една од областите работни односи, здравство, урбанизам, царина и финансии.  Тренд на опаѓање има кај претставки за затворот. Дванаесет од претставките се однесувале  за јавните установи и услуги, девет за централната власт и една за локалната самоуправа.

Од овие 22 предмети, 16 биле завршени. Пет биле завршени по интеревенција на правобранителот и институциите ги прифатиле укажувањата, за седум предмети правобранителот не констатирал повреда на право.

Во првата половина од годината во канцеларијата поминале близу 500 кумановци, дел од нив се консултирале, добиле поука и помош  како да надминат одредени проблеми со институциите.

Leave a Reply