Двојно државјанство, обединување на семејствата на бегалците и повеќе визни можности – ова се само дел од ветувањата на партиите од новата германска владејачка коалиција.
Меѓу ветувањата дадени во коалицискиот договор од 177 страници, објавен во средата од Социјалдемократите (СПД), Зелените и слободните демократи (ФДП, либерали), е и радикална промена на законите за германско државјанство и миграција.
Сакаме нов почеток во политиката на миграција и интеграција, како што треба да биде во модерна имигрантска земја“, се вели во текстот.
Поради рестриктивните правила за двојно државјанство, Германија има една од најниските стапки на двојно државјанство во Европа.
Конкретно, договорот ветува дека ќе дозволи двојно државјанство за мигрантите во Германија, што во моментов обично им е дозволено само на граѓаните на ЕУ и Швајцарија, како и забрзување и поедноставување на барањата за азил и дозволите за престој.
„Како коалиција сакаме да ја повлечеме линијата на рестриктивната политика за азил од последните години и всушност да обезбедиме дека луѓето кои живеат овде постојано и кои ќе останат тука имаат можност да го консолидираат својот статус на престој, да влезат на пазарот на трудот, да имаат пристап до јазик и тоа е неселективно“, изјави за Дојче веле пратеничката на Зелените Луиз Амцберг.
„Сите овие се клучни работи кои се релевантни за модерна имигрантска земја и нудат промена на парадигмата“, нагласи таа.
Сепак, Ралф Бринхаус, шеф на демохристијанската парламентарна група (ЦДУ/ЦСУ) сега во опозиција, вели дека тие сигурно не би имале „толкава брутална отвореност во областа на миграцијата, така што ние сме сосема загрижени дека тоа ќе биде фактор во привлекувањето многу илегална миграција.
Бринкахус, исто така, изрази загриженост дека на луѓето „кои дошле во Германија без правна основа, ќе им биде дозволено да останат по одредено време – мислам дека тоа е многу погрешно“.
Сепак, претходно оваа година, министрите за интеграција од 16 германски провинции ја повикаа федералната влада да ги олесни правилата за државјанство. Во мнозинскиот апел, германската конференција на министри за интеграција (IntMK), започната во 2007 година за да ги координира провинциските и федералните пристапи кон прашањето за имиграцијата, силно се залагаше за законски измени во согласност со ветувањата на новата коалиција.
Најголема корист ќе имаат турските граѓани
Турците се една од групите кои се најмногу погодени од новиот предлог за двојно државјанство, како и од поедноставениот процес на имиграција: во Германија има околу три милиони Турци или луѓе со турско потекло, од кои повеќето пристигнале во брановите на 1960-тите.
Поради важечките германски закони помалку од десет отсто од тоа население има двојно државјанство, а според студијата на Центарот за американски напредок, 55 отсто од нив имаат само турско државјанство.
„Главната причина зошто Турците го избегнуваат германското државјанство е барањето да се откажат од турското државјанство. Тоа беше многу пораспространето кај постарите генерации, бидејќи емотивната врска со Турција беше многу посилна“, Гилај Тирмен, социолог во Центарот за општествени науки во ДВ, изјави за ДВ Берлин.
„Оваа промена дефинитивно ќе доведе до зголемување на бројот на барања за државјанство меѓу турското население, како што видовме во 2000 година по поедноставувањето на процесот на натурализација“, додаде Туркман, алудирајќи на периодот кога СПД и Зелените исто така беа во моќ во тоа време.без FDP
Пратеникот на Зелените Амцберг ги обвинува демохристијаните за тоа што многумина кои живеат во Германија немаат регулиран статус.
„Погледнете ги, на пример, авганистанските бегалци во Германија, од кои многумина немаа можност да си го обезбедат статусот на престој, иако беше предвидливо, а по некое време и јасно, дека тие ќе останат тука трајно“, рече таа.
Надеж за луѓето со „дулдунг“
Во договорот се споменува и побрз пат до постојан престој за младите луѓе кои покажале дека се „интегрирани“ во Германија и дека забрзаниот процес за добивање на редовна дозвола за престој би можел да биде важен за луѓето што моментално се во Германија („duldung“) што значи дека во принцип треба да се депортираат, но тоа не е изводливо, од различни причини.
„Поради ограничувањата во последниве години, околу 200.000 луѓе живеат со статус на толериран престој, а коалицискиот договор става на маса неколку добри идеи за тоа како повеќе од овие луѓе можат да го регулираат својот статус во Германија, вели Џудит, советник на германската организација Про Азил.
Таа смета дека предложените измени „ќе им го олеснат животот на луѓето кои веќе се во Германија“.
За новите бегалци се е исто?
Како што вели Џудит, „нашата најголема критика е дека коалицискиот договор не успева да го промени системот на прифаќање нови“.
Според тој систем, новите бегалци и оние без правен статус кои пристигнуваат во Германија се обврзани да поминуваат време во прифатен центар.
„Во последниве години, максималното време поминато таму се зголеми на 18 месеци“, објасни Џудит. Ние сме прилично загрижени дека тие негативно ќе се одразат на процесите за азил“, додаде таа.
„Навистина сме разочарани што коалицискиот договор не го скратува времето што луѓето го поминуваат во првите прифатни центри“, рече таа, истакнувајќи дека тоа може да се планира подоцна.
Џудит, исто така, истакна дека ништо не се споменува во однос на сегашниот систем на депортација, според кој болните и трауматизираните лица можат насилно да бидат протерани од Германија.
Но, од друга страна, повторното обединување на семејствата за бегалците ќе стане полесно. Во моментов, делумно поради пандемијата, се акумулираат барањата на оние кои се обидуваат да пристигнат во Германија да бидат со своите најблиски.
На многумина, а особено на засегнатите, им се чини дека овие промени мора да се случиле одамна. Но, овој коалициски договор сѐ уште не е обврзувачки, ниту се наведени сите рокови со сите ветувања.
Во секој случај, со оглед на се помеѓународниот профил на Германија, овие прашања остануваат од витално значење.
„Се проценува дека повеќе од една четвртина од луѓето во Германија имаат мигрантско потекло, така што мислам дека дефинитивно е време за овие промени“, вели социологот Гилај Туркман.