Премиерот на Унгарија Виктор Орбан разговараше со лидерката на француската десница Марин Ле Пен за заканите со кои се соочува Европа, како што е војната во Украина.
Разговорите во Париз меѓу лидерите на унгарскиот Фидес и француското Национално собрание се фокусираа и на инфлацијата и „погрешната и опасна политика на санкциите на ЕУ“, како и на „интензивирањето на мигрантската криза“, објави агенцијата МТИ.
Орбан и Ле Пен се согласија дека европските партии кои ги претставуваат традиционалните вредности мора да работат заедно за да ги заштитат земјите на континентот во опасни и воени времиња. Во соопштението на прес-службата се додава дека „ниту бирократите од Брисел, ниту левичарите“ не можеле да ги спасат Европејците и нивните семејства.
Орбан го информирал францускиот политичар и за мерките на владата во Будимпешта која ќе работи на заштита на семејствата, пензионерите, работните места и дека ќе се постави лимит на сметките за комуналии поради „продолжената војна“.
Лидерот на ДНР: Има околу 5.000 украински воени затвореници на територијата на ДНР
Ле Пен ја пофали одлуката на унгарската влада да воведе данок на дополнителната добивка од банките и мултинационалните компании, се додава.