Времето денеска во Македонија ќе биде претежно сончево со слаб до умерен ветер од северен правец, информираат од Управата за хидрометеоролошки работи.
Максималната температура ќе биде во интервал од 8 до 17 степени.
Во Куманово и околината денеска ќе имаме сончево и потопло време. ќе дува слаб ветер од северен, односно северозападен правец. Утринската температура ќе се движи околу нулата, а максималната дневна се очекува да достигне до 11 степени целзиусови.
На првиот ден од викендот во кумановско ќе имаме топло и стабилно време со сонце и мала до умерена облачност. Температурата во утринските часови ќе биде околу два степени, а максимумот во текот на денот ќе достигне до 15.
Слично ќе биде времето и во недела, кога температурата ќе биде уште повисока, па дневниот максимум се очекува да достигне 18 степени целзиусови.
Слично време ќе се задржи и на почетокот на следната работна недела.
Никола Ивановски