Времето денеска низ Македонија ќе биде променливо облачно со повремени локални врнежи од дожд, на повисоките места од дожд и снег, а на планините од снег.
Како што информираат од Управата за хидрометеоролошки работи, ќе дува слаб ветер од променлив превец.
Минималната температура ќе биде во интервал од 3 до 8, а максималната ќе достигне од 8 до 13 степени.
Во Куманово и околината денеска ќе имаме претежно сончево време со мала облачност.
Ќе дува слаб до умерен ветер од северен и североисточен правец.
Утринската температура ќе се движи околу еден степен, додека максималната дневна ќе достигне 8 степени целзиусови.
Утре низ кумановско ќе имаме променливо облачно време со слаб до умерен северен ветер.
Температурата во утринските часови ќе се движи околу еден степен над нулата, а максималната дневна температура ќе се искачи до 10 степени целзиусови.
Во недела ќе имаме облачно време со услови за врнежи од дожд и снег. Ќе дува слаб до умерен ветер од северен правец.
Минималната температура ќе се спушти два степени под нулата, а дневниот максимум ќе се движи околу 7 степени целзиусови.
Променливото време ќе се задржи и во текот на претстојната работна недела, но дневните температури ќе бидат во пораст и ќе имаат и двоцифрени вредности.
Никола Ивановски