Струмичанецот Васил Гарванлиев ќе биде овогодинешниот претставник на Македонија на 65то издание од изборот за песна на Евровизија кој ќе се одржи во Ротердам, Нидерланд.
Гарванлиев е дипломиран оперски пејач, а срцата на македонската публика ги освои уште на мали нозе кога на фестивалот „Златно славејче“ ја испеа „Марионка“.
Тој беше минатогодишниот придружен вокал на Тамара Тодевска.
Изборот, токму Васил да ја претставува земјава го направи Македонската радио телевизија, од каде велат дека Гарванлиев, со авторски тим составен од етаблирани музички имиња, кои имаат остварено успешни музички проекти, ќе ја претставува Северна Македонија на Евросонг 2020.
Македонската Радио Телевизија ги поканува авторите да ги достават своите сериозни и креативни музички предлози на нејзина адреса до крајот на месец јануари 2020-та година.