Во кружната сала на зградата на поранешни општествено-политички организации, Комитет утре ќе се одржи единаесетата седница на Советот на Општина Куманово. Вкупно за разгледување има 19 точки.
На дневен ред ќе се најдат извештајот за работата и програмата на јавното претпријатие Пазаришта за претходната година, годишниот извештај на Фондацијата за култура и спорт, како и кварталниот извештај за извршување на буџетот на општина Куманово за првиот квартал од 2018-та.
Советниците ќе расправаат и за предлог одлуката за давање согласност на Годишен план за вработување во Општина Kуманово, предлог одлука за изменување и дополнување на Одлуката за утврдување на стандарди за поставување на времени објекти и урбана опрема на подрачјето на Општина Куманово.
Тие ќе ја разледаат и Предлог – Програмата за изменување и дополнување на Програмата за урбанистичко планирање на подрачјето на Општина Куманово за 2018 година, како и неколку предлог одлуки за утврдување на урбанистички планов, Предлог – Решение за разрешување и именување на член на Управен одбор на Јавното претпријатие „Куманово – паркинг”, Предлог – Решение за разрешување и именување на член на Надзорен одбор за контрола на материјално-финансиското работење на Јавното претпријатие „Чистота и зеленило“, како и предлог – Одлука за исплата на еднократна парична помош од Буџетот на Општина Куманово за 2018 година.
Седницата која ќе започне во 10 часот, може да ја следите директно на Телевизија Плус.