Времето денеска во Македонија ќе биде променливо облачно со локални врнежи од дожд претежно во западните и крајните источни делови, информираат од Управата за хидрометеоролошки работи.
На места краткотрајно ќе бидат поројни и проследени со грмежи. Ќе дува слаб до умерен ветер од западен правец.
Минималната температура ќе биде во интервал од 3 до 7, а максималната од 10 до 18 степени.
Во Куманово и околината денеска ќе имаме променливо облачно време со врнежи од дожд и услови за грмотевици.
Максималната температура во кумановско и околината денеска се очекува да достигне 12 степени целзиусови.
Како што појаснуваат од УХМР, утре и во четврток времето ќе биде претежно стабилно со пораст на дневната температура, а услови за краткотраен дожд ќе има само во планинските подрачја.
Под влијание на нов влажен бран, во петок и сабота ќе има врнежи од дожд, кои на места ќе бидат пообилни.
Никола Ивановски