Пештерската уметност во Шпанија е создадена од праисториски човек пред повеќе од 60.000 години, потврди студијата објавена денес.
Неандерталците, кои долго време се сметаа за несофистицирани, всушност насликале сталагмити „со прскање и дување“ во шпанската пештера Ардалес на југот на Шпанија, пишува Гардијан.
Датирањето укажува дека оваа уметност е стара најмалку 64.800 години и дека е создадена кога модерните луѓе не постоеле на континентот.
Студијата открила дека составот и положбата на пигментите не се во согласност со природните процеси, туку дека се создадени со техника на прскање и дување, а нивната текстура не се совпаѓа со природните обрасци од пештерите, што покажува дека пигментите доаѓаат од надворешен извор.
– Ова ја поддржува теоријата дека неандерталците дошле во неколку наврати, во текот на неколку илјади години, за да ја обележат пештерата со пигменти – рече Ерико од Универзитетот во Бордо.
Една нова студија открива се поголем број докази дека неандерталците, чија лоза исчезнала пред околу 40.000 години, не биле груби роднини на хомосапиенс, бидејќи тие долго време биле застапени.
Студијата наведува дека пигментите не се „уметност“ во потесна смисла на зборот „туку резултат на графичко однесување со намера да го оживеат симболичкото значење на просторот“.
Пештерските формации „одиграале фундаментална улога во симболичките системи на некои неандерталски заедници“, но што значеле тие симболи засега останува мистерија.