Високи украински функционери тврдат дека рускиот претседател Владимир Путин се подготвува за голема офанзива во новата година, и покрај серијата неуспеси на фронтот на Русија во последните месеци.
Украинскиот министер за одбрана Олексеј Резников изјави дека Украина сега може успешно да се одбрани од руски ракетни напади насочени кон клучната инфраструктура, особено нападите врз енергетската мрежа.
Сепак, Резников истакнува дека постојат докази кои укажуваат на тоа дека Кремљ подготвува нова офанзива.
Коментарите на украинскиот министер за одбрана се слични на тврдењата што веќе ги изнесоа голем број украински функционери, вклучително и украинскиот претседател Володимир Зеленски, началникот на вооружените сили Валериј Залужни и началникот на копнените сили Олександар Сирски, пишува Гардијан.
„Половина од мобилизираните сè уште се на обука“
Додека Резников очекува офанзивата да започне во февруари, други високи функционери веруваат дека тоа би можело да се случи веќе во јануари.
Украинскиот министер за одбрана се осврна на делумна мобилизација на 300.000 руски војници.
Тој предложи половина од мобилизираните, често по минимална обука, да се користат за борбени операции на фронтот, додека останатите се подготват потемелно за идните офанзиви.
„150-те илјади војници мобилизирани во втората фаза ги започнаа курсевите за обука во различни кампови. На регрутираните војници ќе им требаат најмалку три месеци да се подготват. Тоа значи дека Русите ќе го започнат следниот офанзивен бран веројатно во февруари, како и минатата година. Тоа е нивниот план“, рече тој.
Резников очекува дека Русија ќе продолжи да ги мобилизира своите граѓани дури и откако ќе бидат извршени делумни мобилизации.
Стратегијата на руските команданти ја опишува како „мелница за месо“, каде целта е да се испратат што повеќе луѓе на фронтот за да се обезбедат воени победи со поголем број сили.
Сите информации поврзани со најновите случувања со војната во Украина можете да ги прочитате ТУКА.