Додека американското Министерство за одбрана вети дека ќе ја забрза испораката на своите напредни тенкови во Украина, руските сили „не сакаат да видат украински оклопни формации како им се приближуваат со тенкови Абрамс“, пишува Newsweek.
Министерството за одбрана на САД објави дека Украина наместо М1А2 ќе добие тенкови М1А1 Абрамс.
Тоа значи дека овие тенкови ќе можат да се испорачаат наесен „побрзо од првично планираното“, како што се наведува во соопштението на Министерството.
Тенковите М1А1 ќе имаат обновени трупови од постојните американски резерви, но ќе имаат „многу слични способности“ со М1А2, изјави за новинарите Пет Рајдер, бригаден генерал и секретар за печат на Пентагон.
Тенковите испратени во Украина ќе бидат опремени со топ од 120 милиметри и тежок митралез од 50 калибар, како и со напреден оклоп, рече Рајдер.
Ова вооружување најчесто се гледа на М1А2, често со митралез од 7,62 мм.
„Оваа одлука, донесена со учество на Киев, „ќе ни овозможи значително да го забрзаме времето на испорака и да ја испорачаме оваа важна воена способност на Украина до есен“, рече Рајдер.
Воениот и технолошки експерт Мајкл Пек изјави за Newsweek дека „испраќањето на постара, поедноставна верзија на Abrams е логичен прв чекор во долгорочното снабдување со американски тенкови за Украина“.
„На Украинците ќе им биде полесно да научат да се справуваат со нив и да ги одржуваат“.
Ефективноста на тенковите М1 ќе зависи и од тоа кога ќе пристигнат таму каде што се потребни, изјави поранешниот командант на американската армија во Европа, генерал-полковник Бен Хоџис.
Малку е веројатно „дека тие ќе бидат употребени во украинската оклопна контраофанзива на лето“, изјави Хоџис за „Њузвик“.
Сепак, ќе има постојана потреба од Абрамс за какви било планови околу Крим, „операции во следната фаза и за идно одвраќање“, додаде тој.
„Русите не сакаат да видат украински оклопни формации кои доаѓаат на нив со тенкови Абрамс“, рече Хоџис, „ниту да знаат дека САД се посветени на долгорочна поддршка за Украина“.
Американскиот претседател Џозеф Бајден најави дека на крајот на јануари ќе испрати 31 тенк Абрамс во Украина, доволно за опремување на украинскиот тенковски баталјон со „најспособните тенкови во светот“.
Портпаролот на Кремљ, Дмитриј Песков, рече дека донацијата на Абрамс би била „апсурдна“, додавајќи: „Овие тенкови горат како и сите други“.
„Одговорот на Русија ќе биде интересен“, смета Пек. „Можеби ќе направат посебен напор да го уништат Абрамс само поради пропагандна вредност.
Меѓутоа, ако вкупниот број на Абрамс остане на 31, „вредноста е повеќе симболична отколку практична“, додаде тој.
Сите информации поврзани со најновите случувања со војната во Украина можете да ги прочитате ТУКА.