Украинскиот претседател Володимир Зеленски во интервју емитувано во неделата изјави дека Украина добила софистицирани системи за противвоздушна одбрана од САД.
Ова е прво признание дека Украина го добила напредниот ракетен систем земја-воздух НАСАМС, кој Киев долго го бараше, а чија испорака беше одобрена од Вашингтон на крајот на минатиот месец.
„Апсолутно ни треба САД да покажат лидерство и да и обезбедат на Украина системи за противвоздушна одбрана. Сакам да му се заблагодарам на претседателот Бајден за позитивната одлука што беше донесена“, рече Зеленски.
„Но, верувајте ми, не е доволно да се покрие цивилната инфраструктура, училиштата, болниците, универзитетите, домовите на Украинците“, додаде тој.
Зеленски, исто така, им се заблагодари на САД за HIMARS и другите системи за лансирање со повеќе цевки што ѝ овозможуваат на Украина да напредува против руските окупациски сили.
Овој месец Украина започна контраофанзива за ослободување од окупација големи делови од територијата во североисточниот регион Харков. Напредуваше и на југ.
Русија го опишува својот седуммесечен упад во Украина како „специјална воена операција“ и негира дека е насочена кон цивилни локации.
Сите информации поврзани со најновите случувања со војната во Украина можете да ги прочитате ТУКА.