Според пишувањата на босанските медиуми, полицијата во областа Брчко во камион со македонски регистарски таблички открила тројца бегалци од Авганистан.
Според информациите на тамошната полиција, камион бил запрен вчера попладне, а возачот идентификуван како македонски државјанин Ј.С. (48) е привдене и против него е покрената истражна постапка.
На лицата од Авганистан им беше укажана помош и тие беа предадени на службата за странски државјани, изјавил Халид Емкиќ, одговорен за односи со јавноста во полицијата во Брчко.
Тој додава дека тројцата Авганистанци биле хоспитализирани поради исцрпеност.
Босна и Херцеговина засега не е важна алка на балканската рута на бегалците, но по затворањето на границите на Унгарија и тензиите на хрватско-српската граница се очекува дека е можно да се развие и босански крак на патот кој пренесува бегалци од Турција преку Балканот до земји од Шенген зоната.