Жена од Флорида е пронајдена гола во канализација скоро три недели откако била пријавена за исчезната. Таа тврди дека се заглавила во канализациониот систем.
Имено, Линдзи Кенеди била извлечена од дупката во вторникот откако граѓаните кои поминувале на тротоарот ја слушнале како вика на Флорида во САД.
Службите за итни случаи излегле на лице место и успеале да ја извлечат од канализацијата долга 2,5 метри. Тимот за специјални операции „Delray Beach Fire“ успеал да ја отстрани решетката, да се спушти по скалата и да ја подигне жената од каналот.
– Случаен минувач слушнал звук како доаѓа од канализацијата. Ја слушнала жената како вика за помош. На наше изненадување, најдовме жена заглавена во канализацијата. Сега, г-ѓа Кенеди, која беше пронајдена гола и покриена со нечистотија, се опоравува во болницата – изјави Дани Москела од противпожарната и спасувачка служба на плажата Делреј.
– Не можеше да стане. Не носеше облека и беше многу валкана. Имаше и неколку површински рани, а на колената имала модринки. Самата помисла дека некое лице може да биде доле во секој момент е застрашувачка – рече Мосела.
Нејзиното момче пред скоро три недели пријавил дека ја нема.
– Ова беше убедливо еден од најбизарните инциденти на кои одговорија нашите полицајци – рече службеникот за информации за јавност во полициската станица Делрај Бич, Тед Вајт.
Кенеди им соопштил на детективите дека одела да плива во поток во близина на куќата на нејзиното момче, за на крај да ја најде вратата што води кон тунелот. Го следела тој тунел долго време, сè додека не завршила во одводот.
Објавениот полициски извештај ги содржи нејзините тврдења дека шетала низ канализациониот систем околу три недели пред да ја види светлината и да повика помош. Полицијата соопшти дека таа изгледала „многу бистро“ и дека не ги исполнува критериумите за хоспитализација, пренесуваат медиумите.
Нејзината мајка и рекла на полицијата дека нејзината ќерка има ментално заболување и дека е чест корисник на нелегална наркотична дрога, се вели во полицискиот извештај.
– Таа исто така изјави дека Кенеди правела невообичаени работи во минатото и донесувала лоши одлуки кога била под силно влијание на дрога – се наведува во извештајот.