Три лица, од кои едно потешко, се повредени при сообраќајка несреќа која вчера се случила во близина на Меморијалниот центар „АСНОМ“ во селото Пелинце.
– На 31.03.2021 во 16.25 часот било пријавено дека во близина на Меморијалниот центар „АСНОМ“, на регионалниот пат Старо Нагоричане – Граничен премин „Пелинце“, во атар на с.Пелинце, патничко возило „пежо 106“, со кумановски регистарски ознаки, управувано од Е.К.(21) од Куманово, изгубило контрола и излетало од патот, информираат од Министерството за внатрешни работи.
По незгодата Е.К и сопатниците М.С.(22) и М.К.(21), сите од Куманово, биле пренесени во Општата болница Куманово, каде кај М.К. биле констатирани тешки телесни повреди, а кај Е.К. и М.С. се констатирани повреди.
Увид на местото извршила увидна екипа од СВР Куманово.
Никола Ивановски