Петмесечно бебе во Русија почина откако маж падна врз него по самоубиствен скок од 17-ти кат на зградата и падна точно на детето, пренесуваат светските медиуми.
Инцидентот се случил во градот Воронеж, а целата трагедија е снимена од безбедносните камери, пренесува „Дејли меил“.
На видеото се гледа како мајката ја турка количката во која се наоѓал синот Иља. Таа се свртела лево, кога во тој момент маж падна на количката и ги скрши на парчиња.
– Еден човек кој падна на количката почина на самото место. Петмесечно бебе кое било во количката починало во Брзата помош – потврди извор од локалната полиција.
Според светските медиуми, екипата на Брза помош по неколку минути пристигнала на самото место и се обидела да го оживее бебето. За жал, и покрај работата на медицинските работници, бебето им подлегнало на повредите.
Според очевидците на трагедијата, медицинските лица морале да и даваат седативи на мајката за да ја смират, а според неофицијални информации повреденото дете било првородено.
