Генералниот секретар на НАТО Јенс Столтенберг изјави дека западното снабдување со муниција не е одржливо, бидејќи потрошувачката е превисока, пренесува SkyNews.
Столтенберг рече дека конфликтот во Украина сега станува „битка за логистика“, така што сојузниците на Украина мора да го зголемат производството.
„Единствениот начин да ја одржиме нашата поддршка за Украина е да го направиме она што почнавме да го правиме сега, а тоа е да се ангажираме со одбранбената индустрија за да се осигураме дека сојузниците потпишуваат долгорочни договори“, додаде тој.
Сепак, тој инсистира дека НАТО ќе стои на страна на Украина „се додека е потребно“.
„Не можеме да дозволиме Путин да победи во Украина – тоа ќе биде трагедија за Украинците, но ќе биде опасно за нас“, вели тој.
На прашањето дали на Украина ќе и биде дозволено да се приклучи на одбранбената воена алијанса, Столтенберг одговори дека ставот на НАТО не е променет.
„Украина ќе стане членка на НАТО, но сега главниот фокус е да се осигура дека Украина преовладува како суверена, независна нација во Европа“, додава тој.