13.07.2018 13:57

Спречен шверц на мигранти во кумановско


По добиена оперативна сознанија за криумчарење на мигранти, од страна на полициски службеници од гранична полиција – Регионален центар – Север, завчера околу 07,00 часот во близина на бензинска пумпа на автопатот Куманово-Табановце фатена е групата од 13 мигранти  од Ирак, без документи за идентификација, од кои деветмина мажи , две  женски лица и две деца. Тие се движеле во правец од Куманово кон патниот премин Табановце. Едно лице кое било дел од групата, наш државјанин и коешто требало да ги смести мигрантите во реонот на с. Ваксинце, претходно ги оставило мигрантите и побегнало, информираат од Министерството за внатрешни работи.

Со мигрантите е извршен разговор, при што истите изјавиле дека од страна на непознатото лице тие биле транспортирани од јужната граница кон ГП-Табановце со патничко моторно возило марка “Ауди-А8“. Според нивното кажување непознатото лице им се заканувало и од секој поединечно зел по 3000 евра за да ги спроведе од грчката граница до Белград Р.Србија. При тоа , истиот ги измамил и насилно ги растоварил  во близина на бензинска пумпа во правец на ГП Табановце. По превземените оперативни мерки и активности, и извршените проверки констатирано е дека станува збор за лицето Ф.В. (35) од  скопско Студеничани.

Од страна на Регоналниот центар за гранични работи – Север поднесено е известување  до ОЈО за ООК-Скопје. По насоки од Јавен обвинител за ООК, лицата мигранти како жртви на криумчарење привремено се сместени во Прифатниот центар за странци -Скопје.


© Крадењето авторски содржини е забрането со закон. Преземањето на текстови, изјави или фотографии во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува.

Последни наслови

Facebook Comments